للمراسلة عبرالبريد الالكتروني الجديد للعلاقات الخارجية في الحزب الشيوعي اللبناني lcparty.lcparty@gmail.com - tel 01/739615- 01/739616 ### البريد الالكتروني لإذاعة صوت الشعب chaabradio@gmail.com - tel 01/819014 - 01/311809 ## لمراسلة مجلة النداء عبر البريد الالكتروني annidaa@gmail.com ## الى جميع مستمعي اذاعة صوت الشعب يمكن متابعة الاذاعة 103,7 و 103,9 على الموقع sawtachaab.com ##
الثقافة والثورة - مهدي عامل
الحزب الشيوعي اللبناني

No photo description available.

الرفيق الأمين العام حنا غريب

حراك برجا: #مستمرون

من ٣٠ سني هيدا البلد طلع من الحرب الأهلية، من أول يوم بعد الحرب الأهلية تركوا أمرا الحرب محاورن وركبوا مع بعض على كراسي الحكم وقسموا البلد على قد عدد الكراسي، من ٣٠ سني لهلأ قسموا الناس طوايف وحولوا البلد لشركة خاصة وحولوا تعب العالم وشقاها لأموال منهوبة تجمعت بجيابن وعملوا ثروات بوقت العالم كانت عم بتزيد فقر وتعتير وتعب وصار كل مواطن ليقدر يعيش ياخذ بدل القرض ثلالثة من البنوك والمصارف اللي هنا بذاتن بيملكوها يعني سرقوا الناس وسرقوا الدولة وسرقوا المساعدات اللي إجت من الخارج ورجعوا ديوننا وتدينوا عحسابنا لينهبونا ويمصوا دمنا أكثر وكل يوم عن يوم صار يزيد طمعن أكثر لحد ما نشفوا كل الميزانيات والحل كان قدامن إنوا يزيدوا ضرايب أكثر عالشعب ويدينوا أكثر الدولة من مصارفن ليربحوا عالميلتين بيربحوا لما يسرقونا وبيربحوا لما يدينونا. وكل ما كان الشعب يزيد غضبوا ونقمتوا كانوا يرجعوا يجيشوا العالم طائفياً و يقسموها طوايف لتنسى العالم معركتها الأساس و ينسوها صراعها الطبقي وينسوا الفقير انو لح بزيذ فقر كل ما زاد الغني غنى.
من ١٨ اليوم نزلت الناس عالأرض لتحارب الفساد لترفض الفقر ولتحاسب الحرامية وتطالب بدولة للناس مش عالناس، دولة بتتعاطى مع الناس باعتبارن مواطنيين مش رعايا.
ومن ١٨ اليوم برجا قالت كلمتها مع كل المناطق، برجا قالت نحن ما لح نسكت بقى عن حقنا وحق شبابنا ومستقبل ولادنا، نزلوا شباب وواجهوا النار والرصاص والضرب ليقولوا هيدا البلد ما في يكمل هيك هيدا البلد لازم يرجع للناس التعبانة والموجوعة،شباب افترشوا الزفت ١٤ يوم وما كلوا ولا ملوا شباب اتحولوا ب٢٤ ساعة لقوات ثورية اتوزعت على طول الساحل لتثبت مبدأ واحد انو لما الناس تقوم لرزقها وحقها ما في دولة بتقدر تقمعها وما في آلية عسكرية بتقدر تدعس على وجعها.
صوت العالم هز عروشن وتحققت اول اهدافنا وسقطنا الحكومة اللي كان مجموع فيها كل أطراف السلطة وكل السارقين وكل الحرامية وكل الفاسدين.
اول الأهداف اتحقق بس نحن ما خلصنا نحن اليوم اجتمعنا ببرجا لنجدد ونقول انو نحن مستمرين، نحن مكملين من أزغر زاوية ببرجا لأوسع شارع بهيدا البلد، نحن ما انسحبنا انهزاماً ولا استسلاماً نحن اعتمدنا مبدأ بقول خطوة إلى الأمام وختوطين إلى الوراء، قلنا للكل بدنا حكومة انتقالية بتمثل صوت الناس ومن برات كل هالطقم السياسي الفاسد، بدنا حكومة من خارج السلطةالسياسية الفاسدة تعتمد خطوات سريعة ترجع المال المنهوب لصاحبوا وتحاسب الفاسدين بكل المراكز وكل المؤسسات، وبدنا من هي الحكومي تقر نظام انتخابي جديد بيجمع كل لبنان بدائرة واحدة خارج القيد الطائفي.
وهون لح منكون بشكل دايم عم نخطط مع بعض ونبحث مع بعض كل التحركات وهون لح بكون مركز دايم لإلنا لنضل متابعين اللي بلشنا في، واللي لح بيبقى معنا هون لح بيعرف انو نحن ما عنا دقون ممشطة هون ما عنا لازعيم سني ولا زعيم شيعي ولا زعيم مسيحي ولا زعيم درزي، نحن هون عنا شغلتين منعرفن بس وهني يا حاكم حرامي يا حاكم نزيه. اللي عندو معركة طائفية محلو مش هون ويلي عندو معركة شخصية ومصلحة وانتهازية كمان محلو مش هون.
بس يلي بدوا يرجع حقو وحق ولادوا ومصرياتو ومصريات الناس التعباني ومصلحتها يضل معنا هون ومن هون لح ننتلق لكل المحلات من هون مننزل منسكر مؤسسة ومن هون مننزل منسكر مصرف ومن هون مننزل منسكر زاروب ورصيف وشارع واتوستراد... ومنسكر بلد اذا حقنا ما عطونا يا.
نحن ورانا في القهر والفقر والتعتير والظلم والمحسوبية والهجرة وقدامنا في حلين يا منكمل لنوصل يا منموت نحن وعم نحاول.
انتو الحكام وانت الرؤسا وانتو الوزارات وانت الحكومات وانتو اكبر مجلس، انتو الشعب المظلوم الي بيحرق كل الأنظمة اذا حدا قرب صوب حقوقو.
لح نستمر معكن لأن ما حدا بيقبل يموت عالساكت.

إن عشت فعش حراً او مت كالأشجار وقوفاً.
Image may contain: 5 people, people standing and outdoor